മൊബൈല്‍ ടവറുകളില്‍ നിന്ന് ചെമ്പ് കമ്പി മോഷ്ടിക്കുന്ന സംഘത്തിലെ ഒരാള്‍ പൂവാര്‍ പോലീസിന്റെ പിടിയില്‍; പിടിയിലായ പ്രതി മുന്‍പ് സമാനമായ മോഷണം നടത്തിയതിന് ജോലിയില്‍ നിന്ന് പിരിച്ചുവിട്ട ടെക്‌നീഷ്യന്‍
Story date: September 28 , 2018
Story date: September 28 , 2018
നെയ്യാറ്റിന്‍കര: മൊബൈല്‍ ടവറുകളില്‍ നിന്ന് ചെമ്പ് കമ്പി മോഷ്ടിക്കുന്ന സംഘത്തിലെ ഒരാള്‍ പിടിയില്‍. ആനയറ പുഷ്പവില്ലയില്‍ വാടകയ്ക്ക് താമസിക്കുന്ന ഷിബു(38) ആണ് പൂവാര്‍ പോലീസിന്റെ പിടിയിലായത്.
നെറ്റ് വര്‍ക്ക് കണക്ഷന്‍ ലഭിക്കുന്നില്ലെന്ന ഉപഭോക്താക്കളുടെ നിരന്തര പരാതിയെ തുടര്‍ന്ന് കമ്പനികള്‍ നടത്തിയ അന്വേഷണത്തിലാണ് മോഷണം കണ്ടെത്തിയത്. ഇതേ തുടര്‍ന്ന് നല്‍കിയ പരാതിയിലാണ് പ്രതി പോലീസിന്റെ പിടിയിലാകുന്നത്. മുന്‍പ് വിവിധ മൊബൈല്‍ ഫോണ്‍ ടവറുകളിലെ ടെക്‌നീഷ്യനായിരുന്നു അറസ്റ്റിലായ ഷിബു. മുന്‍പ് ജോലി നോക്കവേ സമാനമായ മോഷണങ്ങള്‍ നടത്തിയ സംഭവത്തില്‍ ഇയാളെ ജോലിയില്‍ നിന്ന് പുറത്താക്കിയിരുന്നു. അറസ്റ്റിലായ പ്രതിയില്‍ നിന്ന് ഒന്‍പത് കിലോഗ്രാം ചെമ്പ് കമ്പിയും കണ്ടെടുത്തു. സംഘത്തിലെ മറ്റുള്ളവര്‍ക്കായി അന്വേഷണം പുരോഗമിക്കുകയാണെന്ന് പോലീസ് പറഞ്ഞു.
തിരുവനന്തപുരം: അന്നദാനത്തിനിടെയുണ്ടായ തര്‍ക്കത്തെ തുടര്‍ന്ന് യുവാവിനെ കുത്തിപ്പരിക്കേല്‍പ്പിച്ച സംഭവത്തില്‍ പ്രതി വഞ്ചിയൂര്‍ പോലീസിന്റെ പിടിയില്‍. കാസര്‍കോഡ് പാണത്തൂര്‍ സ്വദേശി ഭാസ്‌കരന്‍ (41) ആണ് പിടിയിലായത്.
നേമം സ്വദേശി മോഹന്‍കുമാറിനെ കുത്തി പരിക്കേല്‍പ്പിച്ച കേസിലാണ് ഭാസ്‌കരന്‍ പിടിയിലായത്. ദിവസങ്ങള്‍ക്കുമുമ്പ് ശ്രീകണ്‌ഠേശ്വരം ക്ഷേത്രത്തില... 
തിരുവനന്തപുരം: ദേശീയ ഭക്ഷ്യസുരക്ഷാ സ്റ്റാന്റേര്‍ഡ് അതോറിറ്റിയുടെ നേതൃത്വത്തിലും കേരള സംസ്ഥാന ഭക്ഷ്യ സുരക്ഷാ വകുപ്പിന്റെ ഏകോപനത്തിലും 'ഭക്ഷ്യ സുരക്ഷയ്ക്കൊപ്പം ആരോഗ്യം' എന്ന ആശയം മുന്‍നിര്‍ത്തി 16, 17 തീയതികളില്‍ തിരുവനന്തപുരത്ത് വിവിധ പരിപാടികള്‍ സംഘടിപ്പിക്കുന്നു.
16ന് വൈകുന്നേരം 4 മണിക്ക് കനകക്കുന്ന്, തമ്പാനൂര്‍ ബസ് സ്റ്റാന്റ് എന്നിവിടങ്ങളില്‍ ഗവ. എഞ്ചി... 
പേരൂര്‍ക്കട: കവടിയാര്‍ നര്‍മ്മദയ്ക്കു സമീപം ഹോര്‍ട്ടികോര്‍പ്പിന്റെ ഔട്ട് ലെറ്റിന് തീപിടിച്ചു. നര്‍മ്മദ ഷോപ്പിംഗ് കോംപ്ലക്സിന് എതിര്‍വശത്തു സ്ഥിതിചെയ്യുന്ന ഔട്ട്ലെറ്റാണ് കത്തിനശിച്ചത്.
ഇന്ന് ഉച്ചകഴിഞ്ഞ് 2.15ന് ആയിരുന്നു സംഭവം നടന്നത്. സമീപത്തു കൂടിക്കിടന്ന ചപ്പുചവറില്‍ നിന്ന് തീപടര്‍ന്നാണ് ഔട്ട്ലെറ്റ് കത്തി നശിച്ചത്. ഔട്ട്ലെറ്റിനു മുന്നില്‍ കൂടിക്കിട... 
പേരൂര്‍ക്കട: സ്‌കൂട്ടറില്‍ നിന്നുവീണ് ഗുരുതരമായി പരിക്കേറ്റതിനെ തുടര്‍ന്ന് ചികിത്സയിലായിരുന്ന വീട്ടമ്മ മരിച്ചു. കുടപ്പനക്കുന്ന് പാതിരിപ്പള്ളി സാഗര റസി. അസോസിയേഷന്‍ നമ്പര്‍ 232 (2)ല്‍ രാജപ്പന്റെ ഭാര്യ സുശീല (54) ആണ് മരിച്ചത്.
ഇന്നലെ രാവിലെ 8ന് ഊളമ്പാറ-പേരൂര്‍ക്കട റോഡില്‍ ഇഎസ്‌ഐ ആശുപത്രിക്കു സമീപമായിരുന്നു അപകടം നടന്നത്. സ്വകാര്യ ആവശ്യവുമായി ബന്ധപ്പെട്ട് ശാസ്... 
തിരുവനന്തപുരം: രജിസ്റ്റേര്‍ഡ് ചാര്‍ട്ടേഡ് അക്കൗണ്ടന്റിന്റെ വ്യാജ ഒപ്പും സീലും ഉപയോഗിച്ച് പണം തട്ടിയ കേസില്‍ അറസ്റ്റിലായ പ്രതിയുടെ കൂട്ടുപ്രതികള്‍ക്കായി കരമന പോലീസ് അന്വേഷണം ആരംഭിച്ചു. കേസില്‍ മൂന്ന് പേര്‍ കൂടി പിടിയിലാകാനുണ്ടെന്നാണ് പോലീസ് പറയുന്നത്.
കരമനയില്‍ പ്രവര്‍ത്തിച്ച് വരുന്ന നമ:ശിവായ എന്ന പണമിടപാട് സ്ഥാപനത്തിന്റെ ഉടമ സുരേഷ് (30) ആണ് പോലീസിന്റെ പ... 
ചിറയിന്‍കീഴ്: ശാര്‍ക്കര ദേവീക്ഷേത്രത്തിലെ കാളിയൂട്ടില്‍ ഭദ്രകാളി വേഷം കെട്ടിയാടിയിരുന്ന പൊന്നറ ബിജു(46) അന്തരിച്ചു. കാല്‍ നൂറ്റാണ്ട് കാലം തുടര്‍ച്ചയായി കാളിവേഷം കെട്ടിയാടിയിരുന്ന കലാകാരനായിരുന്നു ബിജു.
കരള്‍രോഗ ബാധിതനായി ഏറെ നാളായി ചികിത്സയിലായിരുന്നു ബിജു. ഇന്ന് രാവിലെയാണ് മരണം സംഭവിച്ചത്. കാളിയൂട്ട് ചടങ്ങുകള്‍ നടത്താന്‍ അവകാശമുള്ള പൊന്നറ കുടുംബത്തില... 
പോത്തന്‍കോട്: പ്രഭാത സവാരിയ്ക്കിടെ അമിത വേഗതയില്‍ വന്ന പിക്ക് അപ്പ് വാനിടിച്ച് ചികിത്സയിലായിരുന്ന യുവാവ് മരിച്ചു. മുരുക്കുംപുഴ ഇടവിളാകം വിളയില്‍വീട്ടില്‍ രാജീവ് (42) ആണ് ചികിത്സയിലിരിക്കെ മരിച്ചത്.
ശനിയാഴ്ച രാവിലെ 6ന് ആയിരുന്നു അപകടം നടന്നത്. നെല്ലിമൂട് ജംഗ്ഷനില്‍ അമിത വേഗതയില്‍ വന്ന പിക്ക് അപ്പ് വാന്‍ ഇടിച്ചിട്ട ശേഷം നിറുത്താതെ പോകുകയായിരുന്നു. തുടര്‍ന്ന...