Story date: September 13 , 2018
തിരുവനന്തപുരം: വനംവകുപ്പിനെ മുന്നോട്ട് നയിക്കാന്‍ പരിശീലനം പൂര്‍ത്തിയാക്കി കാടിന്റെ മക്കള്‍ സര്‍ട്ടിഫിക്കറ്റ് കരസ്ഥമാക്കി. സംസ്ഥാനത്തെ വിവിധ ഫോറസ്റ്റ് റേഞ്ചുകളില്‍ സര്‍ട്ടിഫിക്കറ്റ് വിതരണം നടന്നു. ചെന്തുരുളി, നെയ്യാര്‍ ഡിവിഷനുകളിലായി 35 പേര്‍ വീതം രണ്ടു ബാച്ചുകളിലായി സര്‍ട്ടിഫിക്കറ്റ് നേടി. ഇതില്‍ 20 സ്ത്രീകളും 50 പുരുഷന്മാരും ആണ്. മൂന്നു മാസത്തെ പരിശീലനം പൂര്‍ത്തിയാക്കിയ ശേഷമാണ് സര്‍ട്ടിഫിക്കറ്റ് നേടുന്നത്. കാപ്പുകാട് കമ്യൂണിറ്റി ഹാളില്‍ നടന്ന സര്‍ട്ടിഫിക്കറ്റ് വിതരണം അഗസ്ത്യവനം ബയോളജിക്കല്‍ ഫോറസ്റ്റ് കണ്‍സര്‍വേറ്റര്‍ സിപി പ്രമോദ് ഉദ്ഘാടനം ചെയ്തു. തിരുവനന്തപുരം ഡിഎഫ്ഒ ഡി രതീഷ് ചടങ്ങില്‍ മുഖ്യാതിഥിയായി. തിരുവനന്തപുരം വൈല്‍ഡ് ലൈഫ് വാര്‍ഡന്‍ വൈഎം ഷാജികുമാര്‍ ചെന്തുരുളി വൈല്‍ഡ് ലൈഫ് വാര്‍ഡന്‍ ഷാനവാസ്, നെയ്യാര്‍ അസിസ്റ്റന്റ് വൈല്‍ഡ് ലൈഫ് വാര്‍ഡന്‍ അനില്‍കുമാര്‍ തുടങ്ങിയവര്‍ സംബന്ധിച്ചു. വനംവകുപ്പ് ആദ്യമായി ആദിവാസികളെ സ്പെഷ്യല് റിക്രൂട്ട്‌മെന്റിലൂടെ വാച്ചര്‍മാരാക്കികൊണ്ട് ചരിത്രത്തിലേക്ക് കടന്നത്. ഇന്ത്യയില്‍ ആദ്യമായാണ് ആദിവാസികളെ മാത്രം വാച്ചര്‍മാരാക്കി കൊണ്ടുള്ള നിയമനം. 2013 ല്‍ സര്‍ക്കാര്‍ പുറപ്പെടുവിച്ച ഉത്തരവിന്റെ അടിസ്ഥാനത്തില്‍ 700 വാച്ചര്‍ തസ്തിക സൃഷ്ടിച്ചതില്‍ നിയമനം ലഭിച്ച 670 പേര്‍ക്കാണ് പരിശീലനം പൂര്‍ത്തിയാക്കുന്ന മുറയില്‍ സര്‍ട്ടിഫിക്കറ്റ് ലഭിക്കുന്നത്. സംസ്ഥാനത്താകെ പരിശീലനം പൂര്‍ത്തിയാക്കിയ 670 പേരില്‍ 148 പേര്‍ സ്ത്രീകളാണ്. ഉള്‍വനങ്ങളിലെ സെറ്റിമെന്റുകളിലുള്ളവരാണ് കൂടുതലായും പരിശീലനം പൂര്‍ത്തിയാക്കിയവര്‍. ജിപിഎസിന്റെ ഉപയോഗം, കാമറ സെറ്റിംഗ്, വന നിയമങ്ങള്‍, ആയുധ പരിശീലനം എന്നിവയില്‍ പ്രാവീണ്യം നേടിയാണ് പരിശീലനം പൂര്‍ത്തിയാക്കിയത്. നിയമനം ലഭിച്ചവര്‍ അതത് പ്രദേശത്തെ ഫോറസ്റ്റ് റേഞ്ച് ഓഫീസുകളില്‍ സേവനം അനുഷ്ഠിക്കും.
തിരുവനന്തപുരം: അനധികൃത ഖനനം അവസാനിപ്പിക്കണമെന്നാവശ്യപ്പെട്ട് മീതിമല സംരക്ഷണസമിതി വെള്ളറട പഞ്ചായത്ത് ഓഫീസിനു മുന്നില്‍ നിരാഹാര സമരവും നടത്തി. വെള്ളറടയിലെ അതിവിസ്തൃതിയുള്ള പാറക്കൂട്ടമാണ് മീതിമല. കുറച്ചുനാളായി ഇവിടെ ഖനനം നടന്നുവരികയാണ്. ഇത് സമീപത്തെ വീടുകള്‍ക്കും ആരാധനാലയങ്ങള്‍ക്കും ഭീഷണി സൃഷ്ടിച്ചിട്ടും ഗ്രാമപ്പഞ്ചായത്ത് നടപടിയെടുക്കാത്തതില്‍ പ്രതിഷേധി... 
പാറശ്ശാല: തമിഴ്‌നാട്ടില്‍ നിന്ന് വില്‍പ്പനയ്‌ക്കെത്തിച്ച കഞ്ചാവുമായി രണ്ട് യുവാക്കള്‍ പിടിയിലായി. കോട്ടയം സ്വദേശികളായ ഉണ്ണി എന്ന ആദര്‍ശ്(19), സനോഫര്‍(24) എന്നിയവരെയാണ് റെയില്‍വേ പോലീസ് പിടികൂടിയത്.
ട്രെയിന്‍ മാര്‍ഗം കടത്തിക്കൊണ്ട് വന്ന 750ഗ്രാം കഞ്ചാവ് പ്രതികളില്‍ നിന്ന് പോലീസ് പിടിച്ചെടുത്തു. മധുരയില്‍ നിന്നും അനന്തപുരി ട്രെയിനില്‍ കഞ്ചാവുമായെത്തിയ പ്രത... 
തിരുവനന്തപുരം: വനമുത്തശ്ശിയെ കാണാന്‍ കളിയും ചിരിയുമായി കുട്ടി പോലീസെത്തി. പത്മശ്രീ ലക്ഷ്മിക്കുട്ടി അമ്മയെ നേരിട്ട് കാണാനും നാട്ടറിവുകളുടെ നേര് പഠിക്കാനുമെത്തിയത് പേരൂര്‍ക്കട ഗവ. ഗേള്‍സ് ഹയര്‍സെക്കന്‍ഡറി സ്‌കൂളിലെ സ്റ്റുഡന്റ് പോലീസ് കേഡറ്റുകള്‍ ആയിരുന്നു.
കഴിഞ്ഞ ദിവസം രാവിലെ ഏഴിന് ആയിരുന്നു പോലീസ് ബസില്‍ 74കേഡറ്റുകള്‍ വിതുര കല്ലാര്‍, മൊട്ടമൂട് ലക്ഷ്മിക്... 
ആറ്റിങ്ങല്‍: അപകടത്തില്‍പ്പെട്ട് മരിച്ചയാളെ അജ്ഞാതനെന്ന് കണ്ട് ആശുപത്രി മോര്‍ച്ചറിയിലേക്കു മാറ്റി. പത്രങ്ങളിലൂടെ ആളുടെ ചിത്രം കണ്ട് തിരിച്ചറിഞ്ഞ ബന്ധുക്കള്‍ മോര്‍ച്ചറിയിലെത്തി മൃതദേഹം ഏറ്റുവാങ്ങി സംസ്‌കാരം നടത്തി.
കഴിഞ്ഞദിവസം രാത്രി 7.30ന് എംസി റോഡില്‍ ആലുന്തറയ്ക്ക് സമീപം ഉദിമൂട്ടില്‍ ഉണ്ടായ അപകടത്തില്‍ മരണപ്പെട്ടയാളുടെ മൃതദേഹമാണ് ശ്രീഗോകുലം മെഡിക്...